Gin-engganyo sang pinuno sang Masskara Mask Making Contest ang tanan nga may abilidad sa arts nga magpasakop sa competition.
Sa interview sang Bombo Radyo kay Tey Sevillano, madamo sang artist kag maayo maghimo sang mask kag headress sa ciudad kag ini na sa karun ang tion nga para sa ila.
Suno diri, dako ang iya pagpasalamat nga mahatagan sang tsansa nga mapasundagayag ang art sa Bacolod City.
May yara sila sang tatlo ka events nga ginalakipan sang Masskara making nga open sa tanan kun sa diin may yara sang ihatag nga base mask sa ila kag sila na ang madisenyo.
May yara man sang mask higante puppets competition nga may tema nga “Toto and Inday”.
Kag may yara pa gid sang masskara on the spot painting competition.
Pahayag sini tanan libre kag wala sang bayad amo nga gina-ingganyo sini ang tanan nga luyag magpartisipar.
