Nag-atubang kahapon si ex-Department of Public Works and Highways (DPWH) Bulacan 1st District Assistant Engineer Brice Ericson Hernandez sa Independent Commission for Infrastructure (ICI) sa una nga hearing sang komisyon bilang kabahin sang imbestigasyon may kaangtanan sa ginaalegar iregularidad sa mga flood control projects sa Bulacan.
Suno kay Baguio City Mayor Benjamin Magalong, special adviser sang ICI, nadesisyunan ni Hernandez nga magcooperate matapos ma-eksplekar sa iya ang mga posibilidad kag posible nga dangatan snag iya desisyon.
Dugang pa ni Magalong nga sa ila nga hearing, may mga impormasyon nga ginpakigbahin si Hernandez nga posible mangin bag-o nga lead sa ila impormasyon.
Suno diri, iya ginpakigbahin ang tanan nga detalye nga iya nahibaluan kag pila diri ang wala pa sini malawag sa mga forums kag hearing sang tinalikdan nga semana.
