Patay ang isa ka lalaki matapos ginbuno sang manug lechon bangud sa pagpangimon sa Purok Mars, Barangay Singcang-airport, Bacolod City, kahapon.
Sa interview sang Bombo Radyo Bacolod kay Police Lt. Ildeponso Leonardo, Deputy station Commander sang Bacolod Police Station 8, ang biktima ang ginkilala nga si alyas John Paul, 34 anyos, wala sang trabaho kag residente sang Purok St. Vincent, Brgy. Alijis, Bacolod City samtang ang suspek amo si alyas Parcon, isa ka manug lechon.
Suno kay Leonardo, si John Paul upod sa iya live-in partner ang nagpadulong sa lugar agud nga magbisita sa iya tiya sang makita ang mga ini sang suspek.
Wala sang madamo nga estorya kag hinali na lamang nga ginbuno ni Parcon ang biktima.
Ang biktima ang gindala pa sa ospital apang gindeklarar nga dead on arrival.
Suno kay Leonardo, ginalantaw nga “love triangle” ang motibo sa pagpatay.
Santo impormasyon nga nakuha sa lugar, ang live-in partner sang biktima ang kalive-in man sadto sang suspek.
Sa karun, padayon naman hot pursuit operation sang mga kapulisan agud nga maaresto si Parcon.
