Para sa anay konsehal sa ciudad sang Bacolod imposibe nga madayon ang snap election sa Pilipinas apang ini kun tani maayo para sa pagbag-o sang panggobyerno sa pungsod.
Ang snap election amo ang pagpatigayon sang early election sang sa nakaschedule na.
Sa interview sang Bombo Radyo kay Atty Renecito Novero, nadulaan na sang pagsalig ang mga pumuluyo sa mga incumbent officials kag ang panawagan ni Senator Alan Peter Cayetano para sa snap election amo ang sentimiyento man sang Council for Concerned Cetizens nga pagbag-o sa mga lideres sang pungsod.
Suno diri, iban naman nga mga pangalan ang ibutang para lain naman nga nawong ang makit-an kag indi na nga magpamilya lang ang ma-intra sa pulitika.
Pa-athag sini nga ang snap election wala sa constitution sang Pilipinas apang kun magtingob ang mga Pilipino may posibilidad nga matabo ini.
Dugang pa sini, ini isa ka revolutionary approach paagi sa peaceful nga paglimpyo sa pulitika.
Pahayag ni Novero, dapat mangisog kag agresibo ang Pilipino sa pagdemand sang hustisya batok sa mga kawatan nga opsiyales sang gobyerno.
