Lauman ang pagsaka sang presyo sang mga bulak samtang nagahilapit ang All Soul’s Day.
Sa interview sang Bombo Radyo kay Neil Kenneth, manugbaligya sang bulak sa Bacolod Arts and Youth Sports Center, naga-amat amat na sila pangdesenyo sang mga bulak para ibaligya.
Suno diri, lauman nga magasaka sa P50, P150, kag P300 ang presyo sang mga bulak ilabi na sa Oktubre 29 tubtob Nobyembre.
Pahayag sini, mas maayo nga timprano pa mag-order samtang wala pa sang saka sa presyo.
Samtang, ginakakulbaan naman sang iban nga flower vendor nga madelay ang pag-abot sang supply sang bulak bangod sa maulanon nga panahon.
Suno kay Elmer, ang presyo sang bulak, mahimo magdangat sa P150; P200; P500; P700; P1,000; P2,000 kag P2,500.
Suno diri, iban sa ila suki na nga manugbakal naka-order na sa ila, kag sa karun wala sila anay nagplastar para magbaligya apang nagabaton pa lamang sang order.
Pahayag ni Elmer, mabudlay lang para sa ila kun delay ang pag-abot sang supply kag kun basa ang mga bulak bangod dasig ini maglaya.
Sila naga-order pa sang bulak halin sa Cebu, Baguio, Benguet, Cagayan kag iban pa.
