Application para sa arrest warrant kag summons, “under seal ukon confidential” luwas kung may pahanugot gikan sa chamber

Magapabilin nga “under seal” ukon confidential ang tanan nga application para sa arrest warrant ukon summons bilang kabahin sang standardization sang proseso sang korte.

Suno sa Regulation 23 ter, tanan nga application nagikan sa Office of the Prosecutor ang sekreto magluwas kun pahanugutan sang korte nga pagwaon ang impormasyon.

Apisar sini, may discretion ang mga chambers, lakip na ang Pre-Trial Chamber I nga naga-uyat sang kaso ni former President Rodrigo Duterte, kun sa diin sarang nga mapagwa sa publiko ang warrant, kaangay na lamang agud nga mapunggan ang krimen ukon mapadasig ang pag-aresto.

Igapadala ang bag-o nga regulasyon sa 125 members sang Rome Statute para sa komento sa sulod sang anum ka bulan kag magapabilin nga epektibo kun wala sang pagpamatok.