Nagdangat sa 90 ang na-record nga napatay sa Negros Island Region bangod sa Bagyo TINO samtang 51 naman ang missing as of November 13.
Sa interview sang Bombo Radyo Bacolod kay Office of the Civil Defense – Negros Island Region Director Donato Sermeno III, sa record nila sa 90 nga napatay, 70 diri ang gikan sa Negros Occidental samtang ang 20 ang gikan sa Canlaon City, Negros Oriental.
Kasunod sa Canlaon City, ang may pinakadako nga death toll amo ang Moises Padilla nga may 18, samtang 15 naman sa La Castellana.
46 naman ang missing sa Negros Occidental samtang lima naman ang missing sa Negros Oriental.
Suno kay Sermeno, ang mga search and retrieval operations ang nakafocus sa karun sa mga lugar nga madamo sang missing kaangay sa La Carlota City, Moises Padilla, La Castellana kag Bago City.
Kaupod sa operasyon ang search and retrieval dogs ukon K9 units kag nagdeploy man sang drones para sa aerial search.
Bangod sa tuman ka lapad sang apektado nga kinahanglan macover, ginahusay nila ang may mas mataas nga posibilidad nga tup-an sang mga naanod nga bangkay partikular na sa mga malapit sa suba.
Sila ang nagakonsulta man sa mga apektado nga local government units, kun may-ara pa sang mga lugar nga luyag nga mateskyar ang mga pamilya sang namissing nga ginalantaw sarang malab-utan sang mga biktima.
