Mga e-bike drivers, pilason matapos gin-arado sang canter truck sa Brgy Banago, Bacolod City

Naaksidente ang isa ka canter truck sa Purok Langis, Barangay Banago, Bacolod City pasado alas 4:00 ang takna, subong nga hapon, Nobyembre 14, 2025.

Suno sa pahayag sang mga nakakita, naalang-alang ang canter kag nadulaan sang control.

Ini man ang rason nga gindusdos sini ang signage sang isa ka fuel station sa lugar.

May nadalahig man nga mga e-bike drivers kun sa diin nakaangkon sang samad.

Yara na sa Bacolod Police Station 3 ang driver sang canter truck kag handa nga atubangon ang reklamo nga ipasaka batok sa iya.