Ginkumpirmar sang Assistant Vice President for Planning and Business Operations sang Negros Electric and Power Corporation nga alas 6:00 sang aga kahapon may yara sila sang mga feeders nga ginpanglay-off bangud sa hinali nga pagsaka sang tubig baha bangud sa pag-ulan dala sang Bagyo Verbena.
Sa interview sang Bombo Radyo Bacolod kay Engr. Leomel Tambanillo, ang mga ginlay off nga feeders ang nagasupply sa Barangay Pahanocoy, Barangay Singcang Airport, Mandalagan, Bata kag sa Talisay malapit sa boundary sang nasambit nga ciudad kag sang Bacolod City.
Apektado man sa Barangay Felisa, Handumanan kag Barangay Cabug, Bacolod City.
Suno kay Tambanillo sang nag-untat na ang pag-ulan kag nagsubside na ang tubig baha gin amat amat naman sang Negros Power restore ang mga kuryente tubtob nga 100 percent nga narestore ang power supply.
Apang wala naman ginbalik ang supply sang kuryente nga may mataas pa nga tubig.
Ang power interruption ang ginahungod sa tion nga magtaas ang level sang tubig sa mga lugar bangud sa pag-ulan agud nga masiguro ang safety sang tanan.
Samtang nagpangayo man sang dugang nga paghangop ang Negros Power nga nadulaan sang supply sang kuryente humalin pa sang Bagyo Tino nga ginatinguhaan gid nila nga marestore ini bangud sa karun puno pa sang ulubrahon ang restoration team sini.
