Nagdangat na sa masobra 1,700 ang kaso sang human immunodeficiency virus (HIV) sa ciudad sang Bacolod humalin sang Enero tubtob Agosto subong nga tuig kun sa diin 15 anyos ang narekord nga pinakabata.
Suno kay Jonathan Diaz, Executive Assistant kag Focal Person sang HIV Awareness sa ciudad, nagdangat sa 1,702 ang narekord nga kaso sang HIV sa ciudad humalin sang Enero tubtob Agosto.
1,407 diri ang ginabulong sa Corazon Locsin Montelibano Memorial Regional Hospital samtang may 301 naman nga yara sa Bagani Community Center by LoveYourself Inc.: HIV Treatment Center.
Samtang nagdangat naman sa 264 ang napatay.
Suno kay Diaz, nagsaka ang rekord sang kaso kasunod sa pagpatigayon sang massive HIV testing sa nall, eskwelahan, BPO companies kag bisan nakaligad nga Masskara Festival kun sa diin may yara sila sang narekord nga nagpositibo.
Pa-athag sini nga indi ini negatibo kag makabig nga positibo bangod kun timprano ini madetect, mahatagan sa gilayon sang bulong ang pasyente.
