Ginsukot sang isa ka pribado nga establishmento ang Bacolod City Police Office matapos mangayo sang CCTV footage sa pag-imbestigar sa kaso sa pagpatay kay Freya Mae Go.
Madumduman nga nasapwan ang bangkay ni Freya sa kahilamunan nga bahin sang Barangay 12, Bacolod City sang Oktubre 22.
Ang kamot sini may higot nga nakakonekta sa iya liog kag wala ini sang pang-idalum nga panapton.
Sa interview sang Bombo Radyo Bacolod kay Police Col. Joeresty Coronica, City Director sang BCPO, sa karun yara na sa case build up ang status sang kaso.
Suno diri, 44 ka establishmento nga ginpadal-an sang request agud pangayoan sang CCTV footage nga mahimo naka-capture kay Freya kag kun sin-o ang ulihi sini nga kaupod.
Sa 44, 22 lamang ang nagkooperar sa ila.
Suno pa diri, may isa ka bangko nga nanukot sa ila sang P2,000 bilang bayad sa effort sa pag-extract sang video nga para kay Coronica kaangay nga daw sikwawe na nga rason.
Pahayag sini, indi madali-dali nga masolbar ang kaso kun wala sang kooperasyon sang tanan.
