Gin-athag sang Bacolod Transportation and Traffic Management Department (BTTMD) nga hungod nga gina-off ang traffic lights sa pila ka area sa ciudad sang Bacolod ilabi na kun rush hour.
Suno kay BTTMD Head Atty. Reuben Sabig, sa tion sang holiday season mas dako ang volume sang mga salakyan nga nagabyahe pasulod kag paggwa sa ciudad.
Suno diri, kun rush hour wala nagakaangay nga maggamit pa sang traffic lights kag mas maayo nga ang traffic enforcers na lang ang magderiher sang trapiko.
Suno kay Sabig, ang traffic lights wala naprogram para mahibaloan kun madamo sang nagabyahe kag ini na-fix na nga may timer.
Apang, sa karun may yara man sila sang ginpang-adjust nga timer sa traffic lights nga nagresulta sa paghagan-hagan sang trapiko.
Samtang, may ginpangsaylo man sila nga personnel, kaangay sa mga nagaduty sa mga buluthuan nga ila ginsaylo anay bangod wala pa man sang klase.
