Naghatag sang pahayag si Police Regional Office – Negros Island Region Director Police Brig Gen Arnold Thomas Ibay nahanungod sa wala pagposas sang suspect nga si Police Staff Sgt Bonifacio Saycon, kag ang pagsulod sang katapo sang pulis sa restobar nga nakasibilyan kag may dala nga armas-luthang.
Sa press conference sa Negros Oriental Police Provincial Office, ginpahayag ni Ibay nga santo sa PNP protocol, kun ang suspect ang wala ginakabig nga risk kag sarang nga i-subdue sang kapulisan, wala anay ini ginaposasan.
Gin-athag man sini nga ginadumulian ang pagsulod sang mga pulis sa mga establisyemento ilabi na sa mga bar kun wala sang kaangtanan sa ila opisyal nga buluhaton kaangay sang surveillance ukon imbestigasyon.
Kabahin man sa ila nga imbestigasyon ang pag-usisa sa sulod sang Restobar.
Padayon ang imbestigasyon sang kapulisan agud matumod ang motibo sang krimen.
