Ginakabig sang iloy sang estudyante nga isa sa mga napatay sa nagluntad nga aksidente sa Sitio Mansintak, Brgy. Kalamtukan, Bayawan City, kahapon sang aga, Pebrero 4 nga isa lamang ka damgo ang natabo sa iya nga bata.
Sa interview sang Bombo Radyo Bacolod kay Mary Ann Arcenias, indi sini mahibaluan kun ano ang iya nga mabatyagan matapos nga makita ang bangkay sang iya bata nga si Warren Aseniasa.
Ginpahibalo lamang siya sang iya kasilingan nga naaksidente ang ginasakyan ni Warren.
Suno kay Arceñas, antes paman natabo ang insidente nga wala na sini nacontact ang iya anak.
Suno sa iloy daw kaangay nga damgo ang natabo sa graduating sini nga anak.
Masami niya nga ginahambalan ang iya nga bata nga maghalong bisan diin man ini magkadto.
Wala man ini nakahangop kun ngaa ini ang natabo sa iya nga bata.
Mensahe sini sa iya nga bata nga kun diin man ini sa karun, indi niya pagkalimtan ang iya ang iya nga iloy.
Ginapangamuyuan na lamang sini ang natabo sa iya nga anak.
