Naghingagaw palista sa Department of Social Services and Development (DSSD) ang mga traysikol drivers sa Bacolod City kagab-i, Marso 25 para malakip sa mahatagan sang ayuda sa tunga sang tuman nga pagsaka sa presyo sang gatong.
Sa interview sang Bombo Radyo Bacolod kay DSSD Head Dr Ritchelle Verdeprado-Mangga, ginahingagaw sang mga ini nga mapanglista ang mga traysikol drivers kahapon bangud subong nga adlaw, Marso 26, ipasa na nila ang listahan sa DSWD Central Office.
Ang mga drivers nga nagpalista ang ginpangayuan sang valid IDs kag drivers license.
Suno kay Mangga, santo sa guidelines, indi man kinahanglan nga miyembro sang asosasyon ang mga traysikol drivers apang ginaenggangyo lang ang group verification.
Ini bangud nga mas kilala ang mga miyembro sang ila nga association president.
P5,000 ang makuha nga cash assistance sang mga tricycle drivers.
