Ginpanindugan sang kampo ni Senator Ronald “Bato” Dela Rosa nga indi ini isa ka “fugitive from justice” ukon nagapanago nga pugante, baliskad sa pahayag sang Office of the Solicitor General (OSG) angot sa arrest warrant nga ginpagwa sang International Criminal Court (ICC).
Sa ginsumiter nga 117-pages response sa Korte Suprema, ginpahayag sang mga abogado ni dela Rosa nga magpabilin ini sa sulod sang pungsod, bukas nga ginakilala ang hurisdiksyon Supreme Court, kag wala nagatago sa mga otoridad sa Pilipinas.
Suno sa kampo sang Senador, ginakwestyon nila ang hurisdiksyon sang ICC kag ang legalidad sang pagpatuman sini sa Pilipinas, kalakip ang arrest warrant batok kay dela Rosa.
Bangud diri, ila ginpahayag nga indi makabig nga pugante ang senador samtang wala pa nasolbar ang tuhoy sa validity sang warrant.
Ginpaathag man sang legal team ni dela Rosa nga wala sang lokal ukon Philippine court-issued warrant batok sa senador gani wala sang legal nag obligasyon ang senador agud magsungka sa otoridad.
Madumduman nga nagbiya si dela Rosa sa Senado sang kaagahon sang Mayo 14 matapos ang insidente sang shootout sa Senado sang tinalikdan nga Mayo 13 sang gab-i.
