Nag-resign na si Tab Baldwin bilang head coach sang men’s basketball team sang Ateneo de Manila University kasunod sa pagkamatay sang duha ka atleta nga sanday Rene Baterbonia kag Divine Adili.
Ini ang ginkumpirmar ni Ateneo de Manila University President Fr. Roberto ‘Bobby’ Yap sa isa ka press conference kahapon.
Suno diri, indi protektahan sang unibersidad ang bisan sin-o kun mabutang sa alang-alang ang ila nga integridad.
Kadungan sini, gin-anunsyar niya ang pormal nga pagbaton sa resignation ni Baldwin.
Si Baldwin ang nangin head coach sang Ateneo Blue Eagles halin sang 2016 kag ginpangunahan ang koponan sa apat ka kampeonato sa UAAP.
Kalakip diri ang sunod-sunod nga titulo halin sang 2017 tubtob 2019.
Sa pihak sini, ginpahayag ni Yap nga nagapasalamat ang unibersidad sa pila ka tuig nga serbisyo ni Baldwin sa Blue Eagles.
Gin-anunsyar man sang Ateneo nga nag-resign man si Epok Quimpo bilang team manager kag ginbaton sang unibersidad ang iya resignation.
Samtang, ginpahayag ni National Bureau of Investigation (NBI) Director Melvin Matibag nga nagpaggwa na sila sang subpoena batok kay Baldwin, sa iban pa nga mga athletes kag sa pila ka mga opisyal sang Ateneo.
Ini agud obligahon sila nga mag-atubang kag maghatag sang pahayag angot sa imbestigasyon sang NBI sa natabo nga insidente.
