Adlaw-adlaw may ginabutang nga deodorizer ang International Solid Waste Integrated Management Specialists, Inc. (ISWIMS) para masolusyonan ang problema sa baho sang sanitary landfill sa Barangay Felisa, Bacolod City.
Sa interview sang Bombo Radyo Bacolod kay Atty Allyn Luv Dignadice, officer in charge sang Bacolod Environment and Natural Resources Office (BENRO), nagpadala sang sulat ang punong barangay sang barangay Felisa sa ila opisina angot sa reklamo sang baho sang sanitary landfill.
Suno diri, may yara na sang ginhimo nga tikang kun sa diin padayon ang pagbutang sang deodorizer kag actual covering sa landfill.
Suno kay Dignadice, nagpasalig man ini nga tanan nga truck ginasiguro nga may washing gid.
Pahayag sini, tanan nga ginahimo sang ISWIM, documented sang BENRO para mahibaloan kun nagacomply gid man ang waste management contractor sa kontrata.
