Ginkumpirmar sang Department of Justice (DOJ) nga wala ini sang may nabaton nga anuman nga opisyal nga impormasyon ukon komunikasyon naggikan sa International Criminal Court (ICC) angot sa ginaalegar arrest warrant batok kay Sen. Bong Go.
Suno kay DOJ spokesperson Polo Martinez, napamatud-an sa pagpakig-angot sa Philippine Center on Transnational Crime (PCTC) nga wala man sang may nabaton ang ahensya sang nasambit nga dokumento.
Ginpaathag ni Martinez nga ang anuman nga warrant naggikan sa ICC ang dapat direkta nga ipadala sa PCTC bilang kabahin sang mandato sini batok sa mga transnational crime.
Madumduman nga ginbuyagyag ni Davao City Representative Paulo “Pulong” Duterte nga may nabaton ini nga impormasyon gikan sa isa ka reliable source natuhoy sa mga warrant batok kay Go kag duha ka anay pulis.
Apang, ginpanginwala ini sang DILG, PNP, kasubong man sang NBI.
