Nangin sentro sa pamangkot ni Senator-judge Risa Hontiveros kay former COA Auditor Atty Roderick Wamil ang importansya sang mga resibo kag sang iban pa nga supporting documents sa paggastos sang confidential funds.
Ginpanindugan ni Wamil nga importante ang mga official receipt (OR) agud makumpirmar kung matuod-tuod nga nabakal sang Office of the Vice President kag Department of Education ang mga gamit ukon serbisyo nga nakasaad sa ila Physical kag Financial Plan.
Suno diri napaslawan ang mga talatapan nga magsumiter sang mga kinahanglan nga resibo, sa baylo mga Acknowledgment Receipt (AR) lamang ang ginsumiter sang mga ini sa COA.
Samtang ginklaro man ni Wamil sang siya ang ginpamangkot ni Senator-judge Imee Marcos, nga ang COA ang wala nakapagwa nga audit findings nga nagapakita nga ang Acknowledgment Receipts (ARs) sa confidential funds ni Vice President Sara Duterte ang forged ukon peke.
Dugang pa ni Wamil nga ang ginabatikos nga pangalan kaangay sang “Mary Grace Piatos” kag “Andy Lim” ang wala gin-flag bangod ang mga auditors ang nagasalig lamang sa nasumiter nga dokumento kag wala sang legal nga basihan sa idalom sang existing rules nga makadeklarar nga ini ang ‘invalid.’
