Ginaduso ni Bacolod City Lone District Congressman Albee Benitez ang isa ka partnership arrangements sa tunga sang Modernized Jeepney kag mga bangko sa ciudad sang Bacolod.
Ini angot sa problema sa transport sector kun sa diin pila ka mga modernized jeepney operators ang gindagdagan na sang demand letters kag foreclosure notice sang mga bangko bangod sa wala mabayaran nga ammortization.
Paathag ni Benitez nga tinutuyo sini agud mabuligan ang mga modernized jeepney operators nga makapadayon sa pag-operate.
Suno sa Kongresista, nagkoordinar na siya sa mga bangko angot sa posiblidad nga partnership kag ini ang pagatun-an pa sang bangko.
Para sa iya, mas maayu ang partnership sangsa loan bangud sa baylo nga magbayad ang mga modernized jeepney operators sang loan kada bulan, nakadepende nalang kun ano kadakuon sang ila income agud sila ang maghatag sang share sa bangko apang kun wala, wala man sila sang dapat bayaran.
