Ginapreparar na sang tagsa ka mga apektado nga Local Government Units (LGU) sang maglupok sang Bulkan Kanlaon, ang mga papeles para sa releasing sang pondo sa permanente nga relocation site sang mga apektado nga residente.
Sa interview sang Bombo Radyo Bacolod kay OCD-NIR Director Donato Sermeno III nga ang relocation ukon resettlement sang mga apektado nga mga residente ang naaprubahan na sang national government nga kabahin sang Kanlaon Recovery and Rehabilitation Development Plan.
Suno kay Sermeno, ang mga dokyumento ang ginakompleto na sang mga LGUs agud mapasa sa national government para sa releasing sang pondo para sa mga proyekto kaangay sang paghuman sang relocation site subong nga tuig.
Sa Canlaon City ang padayon ang pagdevelop sang Department of Human Settlements and Urban Development (DHSUD) sang temporary modular shelter ang mga displaced individuals bangud sa paglupok sang Bulkan Kanlaon.
Samtang sa La Castellana nakumpleto naman ang mga dokyumento kag yara na ang deed of donation sang duta.
Ginabuligan sang OCD sa pag-facilitate agud nga maproseso ang dokyumento agud mapasa sa national government agud madihon ang releasing sang pondo para sa pagpatukod relocation site sang mga apektado sang paglupok sang Bulkan Kanlaon sang nagligad.
Dugang pa sini nga kada semana man sila naga-meeting agud nga mahibaluan ang status sang mga ginpasa nga dokyumento sang LGUs para sa ila nga proyekto.
