Natalana nga patigayunon ang second round sang meeting sa tunga sang Bacolod City Government sa pagpanguna ni Bacolod City Mayor Greg Gasataya kag mga pribado nga eskwelahan sa ciudad sang Bacolod para sa assessment kag recommendation sa school safety.
Sa interview kay Gasataya, una na ini nga nakahinun-anon na ini sa mga school principals and school administrators sang magkatuhay nga eskwelahan gani natalana sa madason nga semana nga magameeting ini liwat sa mga natungdan.
Suno kay Gasataya ang liwat nga pakighinun-anon ang para sa assessment kag recommendations kun sa diin pagid makabulig ang gobyerno agud nga mapasiguro ang seguridad sang eskwelahan.
Ginpahayag sang alcalde nga sa public schools naplastar na ang mga security measures para sa seguridad sang tanan.
Apang aminado ini nga sang ligad pagpanghangkat amo nga indi makasulod sa eskwelahan ang mga kapulisan bangud mahimo makatuga sang alarma sa mga estudyante.
Sa karun, may yara na sang nagakaigo nga koordinasyon ang mga kapulisan sa eskwelahan.
