Ipatawag sang House prosecution team si defense counsel Michael Poa bilang testigo sa impeachment trial ni Vice President Sara Duterte sa masunod nga semana.
Suno kay lead prosecutor Gerville Luistro, maga-testify si Poa kun paano gindisburse sang Department of Education (DepEd) ang P112.5 million nga confidential funds sadtong tion ni Duterte bilang Education secretary.
Madumduman nga nagserbe bilang DepEd Undersecretary kag spokesperson si Poa sa idalom sang pagpamuno ni Duterte.
Agud ma-maximize ang schedule nga gintalana sang korte sa Setyembre 2, naghingyo ang prosekusyon nga magpagwa sang subpoena ad testificandum para kay Attorney Michael Wesley T. Poa, kasubong man kay Ms. Marizza B. Grande sang Philippine Statistics Authority.
Maga-testigo si Grande tuhoy sa mga nagbaton sang confidential fund nga nabutang sa liquidation documents, kun sila ang may corresponding government record.
Ginpaboran man ni Senate impeachment court presiding officer Senator Francis “Chiz” Escudero ang request ni Luistro, apang suno diri, indi na kinahanglan ipa-subpoena si Poa bangud present man ini sa korte kag ginpahayag nga handa ini mag-testigo.
