-- ADVERTISEMENT --
Arestado ang 34-anyos nga Chinese national sa ginpatigayon nga operasyon sang Bureau of Immigration sa Yulo St., Brgy. 16, Bacolod City, matapos matukiban nga overstaying alien kag gin-alegar may koneksyon sa nagligad nga Philippine Offshore Gaming Operations (POGOs).
Ang suspek ang ginkilala nga si Xie Yingwen, nagpakuno-kuno nga fruit vendor kag wala sang mapresenta nga ID ukon ano man nga nagakaigo nga dokumento.
Natigayon ang pag-aresto sa bulig sang Negros Occidental Police Provincial Office (NOCPPO) kag Bacolod Police Station 1.
