Pormal na nga ginkasuhan sang National Bureau of Investigation (NBI) si Batangas 1st District Representative Leandro Leviste sang qualified human trafficking kaupod ang iban pa.
Ini ang ginkumpirmar ni NBI Director Atty. Melvin Matibag.
Suno kay Matibag, ang gin-file nila nga reklamo ang may kaangtanan sa gin-alegar involvement sang mamalidha sa “honeytrap plot,” sa diin gintuyo sini nga i-set-up si Executive Secretary Ralph Recto.
Ginsumiter sang NBI ang pormal nga reklamo sa National Prosecution Service sang Department of Justice (DOJ) agud maumpisahan ang preliminary assessment kag imbestigasyon sa kaso.
Ang qualified human trafficking ang ginakabig nga isa ka seryoso nga krimen sa idalom sang layi sang Pilipinas nga wala sang may ginarekomenda nga pyansa kun mapamatud-an sang korte.
Sa karon, wala pa sang opisyal nga pahayag ang kampo ni Leviste.
