Nag-file sang resolusyon si Senator Erwin Tulfo kahapon, nga nagapanawagan sa Department of Foreign Affairs (DFA) nga i-rekomendar nga ideklara persona non grata si Chinese Ambassador Jing Quan, kasunod sang mga ginbuy-an sini nga pahayag nga mahapos lamang magdaug ang Beijing kun sila ang magagamit sang pwersa batok sa Pilipinas.
Sa gin-propose nga Senate Resolution No. 739, ginpahayag ni Tulfo, vice chairperson sang Senate committee on foreign relations, nga ginakahangaw-an ang mga statements sang embahador nga wala nagakaigo sa diplomatic conduct kasubong man ang implikasyon sini sa soberanya kag seguridad sang Pilipinas.
Suno diri, ang diplomatic relations sa tunga sang Pilipinas kag China ang dapat magpabilin nga may respeto kag malinong ang pagdiskurso.
Naghingyo ini sa DFA nga i-komenda sa nagakaigo nga mga otoridad ang deklarasyon kay Jing bilang persona non grata.
Madumduman nga nagpahayag ang ambassador nga kun luyag nila nga maggamit sang pwersa batok sa Pilipinas, mahapos lamang sila nga magdaug.
Nagpahayag naman si President Ferdinand “Bongbong” Marcos Jr. nga ipatawag man sini ang Chinese Ambassador.
Nagpagwa man sang statement ang Chinese Embassy kun ang mga pahayag sang mga senador nahanungod sa deklarasyon sang persona non grata amo isa ka “threat” ukon “coercion”.
