Nagpanawagan si Senate President Sherwin Gatchalian sa mga otoridad nga siguruhon nga luwas kag malinong ang pag-aresto kay Sen. Ronald “Bato” dela Rosa agud malikawan ang posible nga casualties ilabi na sa bahin sang mga sibilyan kag operatiba.
Ginpahayag ni Gatchalian nga dapat masiguro ang seguridad sa kampo ni dela Rosa kag sang mga law enforcer nga magapatigayon sang operasyon.
Ini kasunod sang pahayag sang Department of the Interior and Local Government (DILG) nga posible magresulta sa engkwentro ang operasyon.
Madumduman nga nagtanyag sang P50 million nga reward ang gobyerno para sa pagpadasig sang pag-aresto sa pugante nga senador, samtang ginhatagan naman ini sang Philippine National Police sang isa ka semana agud mag-surrender.
Ang arrest warrant ang may kaangtanan sa gin-alegar crimes against humanity sa kampanya kontra droga sang anay nga administrasyon.
Samtang, ginpahayag naman ni Gatchalian nga wala siya sang may nabaton nga anuman nga komunikasyon gikan kay dela Rosa, kalakip ang posible nga request nga ipaidalom ini sa kustodiya sang Senado.
