Gintestigan sang Chinese robotics company nga Agibot kun sarang ba nga maislan sang mga robot ang mga empleyado sa convenience store paagi sa 24-oras nga work challenge sa Shanghai.
Anum sa G2 robots ang ginpatrabaho agud mag-cater sa mga customer, magplastar sa mga baligya, manglimpyo, maghaboy sang basura kag maghanda sang mga pagkaon kag ilimnon.
Sa sulod sang 24 oras, nakahimo ang mga robots sang 1,730 ka mga ulubrahon kalakip na ang pag-cater sa 683 customer, pagkuha sang 369 ka mga produkto sa shelves kag pagserve sang 147 ka baso sang kape.
Apang, indi tanan nga robots ang nakapasar.
Duha sa anum ka mga robots ang gilayon nga ginkakas sa trabaho matapos ang ila nga shift bangud wala nila nalab-ot ang performace sang kumpanya.
Bangud isa sa mga ini ang wala sang boluntaryo nga pagrestock sa mga naubos nga baligya.
Ginpakita sini nga apisar nga dako ang mabulig sang mga robot sa paghimo sang mga simple nga trabaho, madamo pa sila sa gihapon nga kinahanglan matun-an ilabi na sa customer service.
