Suspect sa pagpangluthang sa gwa sang discohan sa Brgy Mandalagan kahapon sang kaagahon, nakilal-an na
-- ADVERTISEMENT --

Ginkumpirmar sang station commander sang Bacolod Police Station 3 nga natumod na nila ang suspek sa shooting incident nga nagluntad sa gwa sang isa ka discohan sa Lacson Street, Barangay Mandalagan, Bacolod City, Domingo sang kaagahon, Nobyembre 22.

Madumduman nga napatay ang isa sa tatlo ka nasamaran sa nagluntad nga insidente.

Sa interview sang Bombo Radyo Bacolod kay Police Captain Rammie Sayson, station commander sang Bacolod Police Station 3, ang mga biktima amo sanday Alyas Klyde, 19 anyos, estudyante, residente sang Purok Malipayon, Barangay 12, Bacolod City kag ini ang nakaangkon sang samad tuga sang pagpamuno sa tiyan kag madamo sang gasgas sa likod; si John Rey Cajilig alyas John, negosyante kag residente sang Lolita Heights Subdivision, Brgy. Mansilingan, Bacolod City, siya ang nakaangkon sang samad tuga sang pagpangluthang sa natuo nga abaga nga naglapos sa iya dughan.

Si alyas John ang ginbawian sang kabuhi samtang ginadapatan sang pagbulong alas 7:55 ang takna sang aga.

Samtang si alyas Carl, 22 anyos, kag residente sang Purok Ramon, Barangay Sta. Cruz, Murcia, Negros Occidental kag nakaangkon sang gun shot wound sa natuo nga tiil.

-- ADVERTISEMENT --

Suno kay Sayson, nakakuha sila sang witness kag na-interview kag nakuhaan na sang affidavit sang investigator on case kun sa diin natumod ang suspetsado sa pagpangluthang.

Suno sa station commander sa imbestigasyon, may una nga tawag nga nabaton ang bangud sa kinagamo apang makaligad lamang ang minuto nga nakaresponde gintawgan sila liwat nga shooting incident na ang natabo.

Naabtan sang nagresponde nga pulis ang nabun-an nga ila ginkarga sa Police Patrol kag gindala sa ospital.

Nauna naman nga gindala ang may gunshot wounds sa ospital.

Sa kaangot nga balita, santo sa panaysayon sang mga witness, may yara sang madamo nga witness ang nagasinaot sa discohan.

Suno kay Police Captain Rammie Sayson, station commander sang Bacolod Police Station 3, santo sa interview kay Alyas Klyde samtang nagasinaot may yara na sang nagasinikuhanay bangud sa kadamuon sang tawo kag siya ang nasitaan gani na gwa ini.

Suno naman sa witness, may gintawgan ang sa sulod sang discohan kag didto na nagkadto ang ginatudlo nga suspek sa shooting incident.

Dugang pa ni Sayson, ginpahayag sang witness nga wala ginpasulod sa discohan ang nag-apas nga lalaki bangud naka-sleveless ini.

Nagpanghangkat man sang inaway ang suspek sa gwa gani gingwa-an ini sang grupo kag ginkastigo kag ginlaot.

Nadumduman sini nga may armas-luthang siya gani ginkuha niya ini sa iya motorsiklo nagpalupok bangud sini naigo sanday alyas John kag alyas Carl.

Suno kay Sayson, ang suspek ang pilason man kag nabilin man ang bayo sini nga black nga t-shirt sa crime scene bangud nagisi na.

Nagpalagyo man ini matapos ang insidente sakay sa iya motorsiklo.

Sa karun, ginahibalo pa sang mga kapulisan kun sin-o nga grupo ang nagtawag sa suspek nga nagpaniro.