Ginpamatbatan sang dismissal sa serbisyo ang anay head sang Human Resources Management Office sang Provincial Government sang Negros Occidental nga si Atty. Anabelle Palic.
Suno kay Negros Occidental Provincial Legal Officer Atty. Alberto Nellas Jr. nadesisyunan nga ipamatbatan si Palic nga administratively liable sa grave misconduct, oppression, conduct prejudicial to the best interest of the service, kag notoriously undesirable base sa mga ebidensiya.
Nahibaluan nga nag-ugat ang kaso sa joint complaint sang mga job order workers, mga retirees kag isa ka empleyado.
Kalakip sa mga reklamo ang pagpangita ni Palic sang mga requirements nga masobra pa sa mga regular nga mga rekisitos sa pagkuha sang ila nga sweldo samtang ginapadugayan naman sang HRMO head ang pag-release sang clearance sang mga retirees kag isa ka empleyado ang nagreklamo sang indi pagkilala sang iya nga leave benefits sadtong COVID-19 pandemic.
Ang complaint ang gintingob sang Progressive Alliance of Capitol Employees (PACE).
Suno diri nakadihon sila sang rekomendasyon sa disciplining authority nga si Governor Eugenio Jose “Bong” Lacson, nga may salabton si Palic sa mga reklamo nga ginpasaka batok sa iya.
Ang dismissal order may kalakip nga accessory penalties ginalakipan sang cancellation of eligibility, perpetual disqualification from holding public office, kag forfeiture sang retirement benefits.
Si Palic may kinamatarong sa pag-apelar sa desisyon ginpapanaog sa iya sa Civil Service Commission.
Nagpanugyan si Nellas sa tanan nga empleyado nga magtrabaho lang sang insakto kag indi magpasobra sa otoridad nga ginhatag sa imo agud nga malikawann nga mapasakaan sang reklamo kag madulaan sang trabaho.
