KABANKALAN CITY-– Nagpagwa na sang pahayag ang Kabankalan City Police station may kaangtanan sa nagluntad nga pagluthang patay sa isa ka person sa sitio Kalubihan Barangay Bantayan sa nasambit nga ciudad.
Ang biktima kag ginkilala nga si Rodolfo Ambong, 48-anyos kag residente sang nasambit nga lugar.
Suno kay Police Superintendent Rhea Santos, Hepe sang Kabankalan City Police station nga santo sa impormasyon nagpakilala nga miyembro sang New Peoples Army (NPA) ang 4 ka mga suspetsado nga nagluthang sa biktima.
Dugang pa sini nga pasado las 6 sang aga kahapon sang natabo ang insidente kun sa diin nagasakay sa motorsiklo si Ambong kag 100-150 metros nalang ang distansya sa puluy-an, sang ginbanggaan sang mga suspek kag ginpaarakan sang luthang.
Nakaangkon ini sang 11 ka mga luthang nga nangin tunaan sang kamatayon sini.
Ginapadal-man pa suno kay Santos kun ano gid ang motibo sa paglutrhang kay Ambong kag ginakonpermar pa ang mga impormasyon nga ginapadangat sa talatapan sini.
Base sa record suno kay Santos nagpadalagan bilang Kagawad ang biktima sng tinalidan nga eleksyon apang wala ini nagdaog kag ginkakibot snag mga kakilala sini ang kamatayon.
Narekober sa crime scene ang empty shell sang caliber 45 kag 9mm.
Nahibaluan nga nagatrabaho bilang isa ka security guard sang isa ka buluthuan si Ambong kag magapauli na kuntani sang natabo ang insidente.
