Nagsugod na kahapon ang conclave ukon ang sekreto nga pagpili sang bag-o nga Santo Papa.
Antes ang mga ini nagsulod sa Sistine Chapel para sa conclave nagtipon ang mga Cardinals agud magpangamuyo kadungan sang final pre-conclave mass sa St. Peter’s Basilica kahapon, Mayo 7.
Pero ano bala ang Sistine Chapel?
Ang Sistine Chapel ang isa ka papal chapel sa Vatican Palace nga gintukod kag sadtong 1473–81 paagi kay architect Giovanni dei Dolci para kay Pope Sixtus IV.
Ini ang kilala man sa Renaissance frescoes nga ginpinta ni Michelangelo.
Ang Sistine Chapel ang simple nga brick building nga may anum ka arko nga mga bintanan sa kada main side walls kag barrel-vaulted ceiling.
Ang interior walls kag ceiling ang gindekorahan sang frescoes sang madamo nga mga Florentine Renaissance masters.
Ang frescoes sa pangilid nga dingding sang chapel ang ginpintahan humalin sang 1481-1482.
Sa norte nga dingding makita ang anum ka frescoes nga nagapahayag sang mga hitabo sa kabuhi ni Hesu Kristo nga ginpinta nanday Perugino, Pinturicchio, Sandro Botticelli, Domenico Ghirlandaio, kag Cosimo Rosselli.
Sa nabatganan nga dingding makita man ang mga paintings nga nagapahayag sang kabuhi ni Moses nga ginpinta nanday Perugino, Pinturicchio, Botticelli, Domenico Ghirlandaio, Benedetto Ghirlandaio, Rosselli, Luca Signorelli, kag Bartolomeo della Gatta.
Samtang may yara naman sang mga magagmay nga mural painting sa mga magagmay nga bintana nga nagapakita sang mga nagliligad nga mga Santo Papa.
Ang Sistine chapel ang lugar sang principal papal ceremonies kag ginagamit sang Sacred College of Cardinals para sa pagpili sang bag-o nga Santo Papa sa tion nga magbakante ini.
