Nagapati ang political analyst nga rethorics na lamang ni President Ferdinand ‘Bongbong’ Marcos Jr. ang pahayag nga ‘Ito ay atin’ tuhoy sa West Philippine Sea sa iya nga ikatatlo nga State of the Nation Address (SONA).
Sa interview sang Bombo Radyo Bacolod kay Atty Jomax Ortiz, bisan ano ang ihambal angot sa West Philippine Sea, indi matago nga wala sang mahimo ang Pilipinas.
Dugang pa sini nga nagdangat na sa 166 ang mga ginfile nga diplomatic protest batok sa China, apang wala man sang hukom nga magadesisyon diri bangod bisan ang Arbitral Ruling sang 2016 ang wala ginakilala sang China.
Bangod sini ang Pilipinas ang nagapanguyat na lamang sa defense treaty sa Estados Unidos.
Suno sa abogado kinahanglan sang Pilipinas sang allies ukon manug-apin bangod kita ang wala sang ikasarang pag-abot sa military power batok sa China.
Magluwas sa Estados Unidos, yara man ang Canada, United Kingdom, Israel, Japan kag iban pa nga nagabulig sa Pilipinas.
Ini ang ginpaanggid ni Ortiz sa Ukraine, nga madugay na nasakop sang Russia kun wala ang Estados Unidos.
Ang panindugan ni Marcos sa SONA ang agud mapakita sa Estados Unidos nga ang Pilipinas ang handa manindugan kag magdepensa sa teritoryo bisan sa magamay lamang nga isla.
Nagapati ang abogado nga crucial ang statement sang Presidente sa SONA bangod ginalauman na ang impluwensya sang China kag Estados Unidos sa political dynamics sa nagahilapit nga 2025 Midterm Elections.
