Para sa kilala nga political analyst ang manual counting kag tallying sa mga boto sa eleksyon ang pamaagi sa pagpamatuod kun may yara sang pagpangdaya.
May yara sang mga alegasyon nga ang pag-award sang ciudad sang Bacolod sa Public Private Partnership (PPP) contract sa Highdata Infra Corporation ang may kahilabtanan sa May 12, 2025, elections.
Sa interview sang Bombo Radyo kay Atty Jomax Ortiz, sa pagdaog ni Benitez sa May 9, 2022 election nagdangat sa 64,000 ang abanse sini batok kay Former Mayor Evelio “Bing” Leonardia.
Suno diri, tuman gid man kadako sang 64,000 nga abanse sa numero sang boto.
Suno sa abogado, luyag sang grupo ni Leonardia nga maghimo sang tikang nga manual counting kag tallying sa boto agud mahibaluan gilayon sang watcher sa eleksyon ang manual nga resulta antes ini dal-on sa Manila kasubong man nga makita sang mga botante kun sin-o gid man ang nagapanguna.
Ang manual counting ang magamit nga ebidensya kun may yara sang dutay nga dinaya-ay.
Samtang, pahayag ni Ortiz kun may yara sang makakita nga maayo ang pag-implementa sang manual counting mahimo ini nga masunod sa iban man nga Local Government Unit.
