-- ADVERTISEMENT --
20 ka personnel sang Bureau of Fire Protection ang ipadala sa Brgy Pulang Bato, Bogo City para sa humanitarian assistance kag disaster response.
Sa interview sang Bombo Radyo Bacolod kay Bureau of Fire Protection – Bacolod City Spokesperson Fire Officer 2 Paul Servano, 16 diri ang halin sa BFP- Negros Island Region samtang ang apat naman ang halin sa BFP- Bacolod.
Suno diri, mabulig sila sa paghatag sang foodpacks kag paghatag sang first aid sa mga napilasan nga mga biktima sang linog.
Iya man ginkalipay nga sa una nga adlaw pa lamang nila sa Cebu nahimo na sang mga ini nga maupod si President Ferdinand Marcos Jr para magbulig sa mga biktima.
Lauman naman nga mabalik ang mga ginpadala nga BFP personnel sa adlaw sang Sabado.
-- ADVERTISEMENT --
