Gin-umpisahan na sang Local Government Unit sang ciudad sang Bacolod ang paglista sa mga Public Utility Jeepney drivers nga hatagan sang lima ka kilo nga bugas bilang bulig sa karun nga krisis.
Suno kay Mayor Greg Gasataya, amat-amat na nga ginavalidate ang listahan sang mga PUJ drivers, taxi drivers kag delivery drivers paagi sa pagpanagtag sang bugas kun bala ang ila pangalan yara sa listahan nga ginhatag sang Land Transportation Franchising and Regulatory Board (LTFRB).
Suno diri, tanan nga terminal sa ciudad ila ginpadolongan agud hatagan sang bugas ang mga drivers kag ginalista ang mga nakabaton.
May gintalana nga P1.9 million nga budget para sa mga bugas nga ipanagtag sa mga drivers.
Pahayag sang alkalde, naka-intindi ini sa kabudlayan sang mga drivers sa pagpangita sang ila palangabuhian bangod tanan apektado sang krisis.
