BACOLOD CITY – Wala pa matumod sang Bago City Police Station kun sin-o ang mga armado nga nagsulod sa manokan ni Punong Barangay Federico “Biboy” Gayagas sang Barangay Bacong, Bago City, Negros Occidental, Domingo sang aga.
Suno kay Police Senior Insp. Hercules Trigue, deputy chief of police sang Bago City PNP, duha ka mga armado nga kalalakin-an ang nagsulod sa manokan ni Gayagas apang wala pa mahibaluan ang motibo sang mga ini.
Pilas sa abaga ang gin-agom ni Gayagas kag suno kay Trigue, kaangay nga siya gid ang target sang mga armado.
Ginklaro naman sini nga ang punong barangay lamang ang pilason sa amo nga hitabo kag wala na sang iban pa nga nasamaran.
Indi pa man makumpirmar ni Trigue kun mga katapo sang New People’s Army (NPA) ang nagpangamot sa amo nga pag-atake.
Na-recover sa crime scene ang mga basiyo sang bala sang carbine.
