Nagpagwa sang mga subpoena ang House Committee on Justice batok sa Bureau of Internal Revenue (BIR) kag Securities and Exchange Commission (SEC) bilang kabahin sang mas ginpadalom nga imbestigasyon sa gina-alegar indi mapaathag nga manggad kag financial irregularities ni Vice President Sara Duterte.
Sa impeachment hearing sang Justice panel kahapon nga ginapangunahan ni Batangas Rep. Gerville “Jinky Bitrics” Luistro , gin-istoryahan ang mga mosyon nga nagapangabay sang pila ka mga dokumento pinansyal may kaangtanan kay Duterte, sa iya asawa nga si Manases “Mans” Carpio, kag sa ila mga negosyp.
Nagfile sang mosyon si Bicol Saro Party-list Rep. Terry Ridon agud mag-isyu sang subpoena ad testificandum kag duces tecum batok sa isa ka tiglawas sang BIR.
Tinutuyo sini nga makuha ang mga rekord sang buwis nanday Duterte kag Carpio, nalakip ang mga kompanya nga may kaangtanan sa ila.
Ang mosyon, nga ginsuportahan ni ML Party-list Rep. Leila de Lima, ang gin-aprubahan sa boto nga 34-2, wala sang abstention.
Sa magkatuhay nga mosyon, gin-aprubahan man sang komitiba ang pagpaguwa sang subpoena batok sa SEC agud makuha ang mga sertipikado nga kopya sang general information sheets kag audited financial statements sang pareho nga mga kumpanya nga nasambit sa hearing.
Ang mosyon batok sa SEC, nga gin-file man ni Ridon, ang gin-aprubahan sa boto nga 14 pabor, duha ang nagpamatok, kag tatlo ang nag-abstain.
