Nagsabtanay sanday Rep. Benny Abante kag Rep. Paolo Marcoleta samtang gina-esturyahan ang Statement of Assets, Liabilities, and Net Worth (SALN) ni Vice President Sara Duterte sa House Committee on Justice.
Ginkwestyon ni Marcoleta ang mga pamangkot sa SALN sang bise presidente bangod nagapati ini nga wala man ini sa orihinal nga impeachment complaint batok kay Duterte.
Suno diri, ang paggamit sag SALN bilang basehan nga wala sang supesyente nga ebidensya ang makabig nga isa ka “fishing expedition.”
Apang, suno naman kay Abante, kabahin sa reklamo ang isyu nga indi maeksplikar nga manggad kag kakulangan sa pagdeklarar sang mga property ni Duterte sa SALN.
Samtang, nangin mainit man ang sabtanay nanday Rep. Gerville Luistro kag Rep. Paolo Marcoleta sa impeachmet hearing kun sa diin ginpaandaman si Marcolet nga indi siya miyembro sang House Justice Committee.
Suno kay Luistro, makahatag lang si Marcoleta sag manifestation apang indi indi ini makakwestyon ukon magpadayon sa clarificatory questions.
