BACOLOD CITY – Apisar ang ciudad sang Bacolod ang pinaka-luwas kun may yara sang linog sa probinsiya sang Negros Occidental, 30 porciento sa gihapon sang building diri ang delikado nga marumpag ilabi na sa downtown area.
Suno kay City Disaster Risk Reduction and Management Council Office (CDRRMO) head Joemarie Vargas 30 porciento sang mga building nga naga edad sang 15 katuig pataas sa downtown area ang natumod nga delikado nga mag collapse pananglitan may yara sang linog bisan yari lang ini sa magnitude 6.0, partikular ang daan nga City Hall.
Suno diri, 4 katuig na ang nakaligad sang gin hatag nila ang ila assessment sa Office of the Building Official (OBO).
Suno kay Vargas mas luwas ang ciudad sang Bacolod kun may yara sang linog bangud malayo ini sa mga natumod nga fault lines diri sa isla sang Negros.
Diri sa Negros may yara sang fault line sa Guihulngan City padulong sa ciudad sang Kabankalan, Hinobaan kag Sipalay kag ang bag-o natumod sang Philippine Institute of Volcanology and Seismology (PHIVOLCS) sa banwa sang La Libertad sa Oriental.
