Determinado ang “Queen of Power Ballads”, Celine Dion nga liwat nga magkanta sa stage apisar sa ginasuprer sini nga rare neurological condition.
Suno kay Dion, nagasuprer ini sang Stiff Person Syndrome kun sa diin ang iya muscles indi na sini maayo nga magiho.
Apang determinado ang Canadian singer nga magbalik sa stage ini bisan pa kinahanglan niya magkamang kag maghambal gamit ang iya kamot.
Suno sa 56 anyos nga singer, bilang si Celine Dion, mabatian ang iya tingog indi lamang bangod nga gusto sini apang bangod nga kinahanglan kag nahidlaw man ini.
Diseymbre 2022, sang una nga ginpahayag ni Dion sa publiko nga siya ang na-diagnosed sa Stiff Person Syndrome, nga isa ka autoimmune disorder.
Wala sang bulong sa Stiff Person Syndrome, apang may yara lamang sang treatment para makabulig nga makontrol ang sintomas sini.
Bangod sa ginasuprer nga sakit, nagdesisyon si Dion nga i-cancel ang pila ka shows sini nga naschedule para sa tuig 2023 kag 2024.
Apang, naghimo naman ini sang surprise appearance sa Grammy Awards sa pagpresentar sang Album of the Year award kay Taylor Swift.
Sa mahibaluan si Dion ang nakabaligya na sang masobra sa 250 million ka albums sa masobra dekada na sang iya career.
