Gin-athag sang general manager sang Central Negros Electric Cooperative (CENECO) nga ang pagsaka sang rate sa kuryente ang bangod sa pagsaka man sang demand.
Suno kay Atty. Arnel Lapore, humalin sang bulan sang Marso tubtob subong nga Mayo padayon nga nagsaka ang demand nga nagduso man sa pagsaka sang rate.
Ini man sa karun ang bangod sa tuman ka init sang panahon kun sa diin nagagamit ang mga consumers sang appliances para mabatuan ang kanition nga mabatyagan.
Nagpaathag naman ang Presidente kag Chief Executive Officer sang Negros Electric and Power Corp. (NEPC) nga indi gilayon nga mapanubo ang rate sa kuryente.
Nagpanugyan si Roel Castro, nga indi mag-ekspektar nga may gilayon nga pagnubo sa rate sa umpisa nga pagsulod sang NEPC bangod nga may mga dapat nga I-restructure kag dapat nga itrabaho pa sa CENECO.
Samtang, ginpahayag naman sang deputy administrator sang National Electrification Administration (NEA) nga nakadepende sa mga traders ang presyo sang kuryente.
Suno kay Vic Alvaro, magkaangay lamang ang presyo sa distribution utility apang nakadepende sa mga expertise sang traders ang mangin presyo sang kuryente.
