Ginpadal-an sang notice to explain sang Bacolod City Legal Office kag ni Bacolod City Mayor Alfredo ‘Albee’ Benitez ang City Civil Registrar sa pag-issue sang birth certificate sa isa ka Chinese National.
Suno kay City Legal Officer Atty. Romeo Carlos Ting Jr., nakabaton sila sang sulat gikan kay Usec. Dennis Mapa, national statistician kag civil registrar general, angot sa pag-issue sang birth certificate sa isa ka lalaki nga chinese national.
Suno kay Ting, nagprocess sang passport sa Department of Foreign Affairs (DFA) ang lalaki gamit ang birth certificate nga siya ang residente sang Brgy Sum-ag, sa ciudad sang Bacolod.
Samtang, nagaproseso, nabudlayan ini maghambal sang Hiligaynon nga linggwahe amo nga gin-tap sang DFA ang Philippine Statistics Authority (PSA) sa ciudad.
Kasunod sini, natukiban man nga may yara sang birth certificate ang lalaki sa banwa sang Hinigaran.
Nahibaluan man nga late registration ang chinese national nga ginabanta naga -edad sang 30 anyos.
Sa karun, nagapatigayon sang imbestigasyon ang PSA kag ginahibalo pa kun sin-o ang nag-issue sang birth certificate sang chinese national.
