Ginkakibot sang City Director sang Bacolod City Police Office ang natabo nga pagpanukot sang isa ka clothing store sang P600 sa customer nga nadulaan sang bag sa sulod sang ila establishmento sa Bacolod Downtown area para sa pagreview sang CCTV footage.
Sa interview sang Bombo Radyo Bacolod kay BCPO Director Police Col. Eugene Rebadomia. matapos mabatun ang report, gilayon nga ginpadulongan ni Police Major Rondyl Tapang, station commander sang Bacolod Police Station 1 ang clothing store sa corner Locsin-Luzuriaga street, Bacolod City.
Panindugan sang store owner nga sila ang may application pa nga ginabayaran sa pagreview sang CCTV footage gani sila ang nagapanukot.
Nagtuga sang pagka-atrasar ang hitabo tubtob nga ang pulis na lamang ang nagbayad kag sila ang ginpa-ayo na lamang sang P300.
Pahayag ni Rebadomia nga kaangay nga nagbutang lamang sang CCTV camera sa negosyo para mabantayan ang ila propedad, apang sila ang wala na sang labot sa mga customer.
Nahibaluan nga responsibilidad kuntani sang establishimento ang paglantaw sa CCTV footage ilabi na nga sa sulod sang ila propedad nadula ang butang.
Matapos macheck ang CCTV, natumod nga may-ara lamang sang naghimos sa bag sang customer.
Suno kay Rebadomia, ang CCTV ordinance sang ciudad ang nagamando lamang sa mga negosyo nga mag-install sang CCTV camera.
Apang yara sa discretion sang establishimento kun ipalantaw nila ang footage sa tion sang mga krimen.
Wala naman sang nakapagkit sa ordinansa nga may bayad ang pagreview sang CCTV footage.
Gani plano ni Rebadomia nga i-apelar sa konseho nga ma-amyendahan na ang CCTV ordinance agud mapahapos ang pagtsekyar nila sang CCTV footage para sa madasig nga pagsolbar sang mga kaso.
