Nagpaandam ang Philippine Chamber of Commerce and Industry (PCCI) nga ang padayon nga pagsaka sang presyo sang produktong petrolyo ang mangin tuman ka mabug-at nga problema para sa mga micro, small, kag medium enterprises (MSMEs) nga amo ang nagadominar sa kabug-usan nga sektor sang negosyo sa Pilipinas.
Suno kay PCCI President Perry Ferrer, dako gid ang mangin epekto sa operasyon sang mga magagmay nga negosyo bangud sa kasagaran ginagmay lamang ang ila nga gina-ginansya.
Ginpaathag ni Ferrer nga tuman ka sensitibo ang mga magagmay nga negosyo sa paggiho sang operation cost kaangay sang ginagastos sa gasolina, transportasyon, kag logistics.
Suno diri, ang enerhiya amo ang nagaserbe bilang kabuhi sang komersyo.
Suno sa opisyal, kinahanglan nga maprotektahan kag mapag-on ang presyo sini agud indi maapektohan ang kabug-usan nga ekonomiya.
Ginpaandaman niya ang publiko nga kun mahimo mapilitan magsira ang mga MSMEs, nga amo ang nagadominar sa halos tanan nga negosyo sa pungsod (99.6%), daku gid nga problema ang mahimo atubangon sang Pilipinas.
