Para sa Sports Analyst kaangay nga indi mapatihan ang resulta sang hampang ni Manny Pacquiao kag Mario Barrios.
Sa interview sang Bombo Radyo kay Monico “Nukes” Puentevella, may yara gid sang matabo nga rematch sa tunga sang duha.
Suno diri, hulat-hulaton ang isa ka big fight event sa liwat nga pag-atubangay ni Pacquaio kag Barrios.
Apang, sa karun nga match para kay Puentevella, indi siya kumbinsido sa pagkapierde ni Pacquiao.
Suno pa diri, iya ginkakibot ang performance sang Filipino champ apisar sa edad nga 46 anyos.
Dako ang iya pagpati nga dapat si Pacquaio ang nagdaog bangod sa maayo nga performance sini.
Natapos ang match sa majority draw kag naretain ni Barrios ang WBC welterweight title.
Pahayag ni Puentevella, kun may rematch man dapat patigayonon na ini sang timprano bangod naga-edad na si Pacquaio.
