Napasakaan na sang kaso ang driver sang wing van nga nagbuno patay sa gina-alegar kawatan sa Purok Riverside, Barangay Banago Bacolod City sang Hunyo 1.
Ang biktima ang ginkilala nga Mark Jaime Villegas, 23 anyos, single kag residente sang Purok Camsi, Hacienda Lag-asan, Barangay Tinampa-an, Cadiz City, Negros Occidental apang temporaryo nga nagapuyo sa Purok Riverside, Barangay Banago, Bacolod City.
Sa interview sang Bombo Radyo Bacolod kay Police Major Rondyl Tapang, station commander sang Bacolod Police Station 3, natigayon nga mapasakaan sang kaso nga murder ang suspek.
Suno diri, ginbuno sang suspek ang biktima matapos nga gin-alegar nga nagtuyo ini nga mangawat sa iya nga van.
Antes pa man nabun-an ang biktima, may yara pa sang nagluntad nga komosyon sa tunga sini kag sang suspek.
