Nag-umpisa na ang Department of Trade and Industry (DTI) sa pag-imbestigar kun kinahanglan sang gobyerno mag-apply sang safeguard measures sa pag-import sang paper products ukon corrugating medium.
Suno sa DTI, nakabaton ini sang petisyon gikan sa Pulp and Paper Manufacturers’ Association of the Philippines Inc. (PULPAPEL) para magconduct sang preliminary investigation sa pag-apply sang safeguard measures sa imports sang corrugating medium gikan sa iban nga pungsod.
Nakabutang sa petisyon nga ang pagsaka sang importasyopn sang corrugating medium nga may dako nga epekto sa local industry.
Ang Corrugating medium paper ang isa ka essential nga materyales sa produksyon sang karton nga mas ginagamit sa packaging industries.
Sa idalum sang Republic Act 8800 ukon Safeguard Measures Act, makahatag ang gobyerno sang safeguard measure ukon temporary protection sa domestic industry kun may gulpyada nga pagsaka sa importasyon.
