Ginpanaugan sang show cause order ang duha ka regular employees sang General Services Office sang Bacolod City Government bangud sa alegasyon nga pagbaligya sang daan nga aircon sang ciudad.
Sa media interview kay Bacolod City Legal Officer Atty. Karol Joseph Chiu, sang Biyernes sang hapon naserbe na ang show cause order sa duha ka mga empleyado.
Suno kay Chiu ang nature sang complaint sa duha ang Grave Misconduct, Dishonesty kag Conduct Prejudicial to the Best Interest of the Service.
Suno diri wala sang proper procedure ang pagdispose sang daan nga aircon sang ciudad kag nakuhaan man ini sang litrato bilang ebidensya nga ginabaligya sang mga ini sa junk shop.
Duha naman ka beses nga natabo ang insidente kun sa diin ang una ang sang nakaligad nga tuig.
Ang department head man mismo sang duha ang nagfile sang report gani ginpanaugan ang mga ini sang show cause.
Lantawon naman ang sabat sang duha kag hulaton desisyon sang alkalde angot diri.
Ang daan nga aircon sang ciudad ang mahimo man nga idonate sang ciudad sang ciudad kag may yara man sang disposal committee nga ginapa-bid kun sin-o ang maluyag nga magbakal sini.
